Ана капиталын 2023 елга кадәр озайтырга җыеналар

Россия Хезмәт министры ана капиталын 2023 елга кадәр озайту турындагы закон проектын тәкъдим иткән. Ул аз керемле гаиләләргә финанс мәсьәләсен ана капиталы хисабына хәл итү фикерен дә хуплаган, дип хәбәр итә "Реальное время". Бу хакта стратегик эшләнмәләр үзәге башлыгы Алексей Кудрин да тәкъдим белән чыккан иде.

- Әгәр гаилә аена бер кеше башына тиешле уртача кеременнән азрак акча эшли икән, ана капиталынан файдаланырга буладыр. Балалар бакчасына йөрмәүче яшь ярымнан өч яшькә кадәр балага ай саен ана капиталыннан 7, 10 мең түләп бару мөмкинлеге бирер идем, - дип әйткән Максим Топилин.