#Төп тема 06 апрель 2018, 08:32

Илфак киче нәкъ Илфакча булды

06 апрель 2018, 08:32

Кичә Казанның филармония концертлар залында хезмәттәшебез, танылган продюсер, журналист, шагыйрь һәм композитор Илфак Шиһаповның тууына 50 ел тулу уңаеннан кичә булды.

Скопировать ссылку

Әлеге чараны оештыручылар вәгъдә иткәнчә, аның елата торган гына түгел, көлдерә торган урыннары да бар иде. Әмма яшьме, картмы, ирме, хатын-кызмы булуына карамастан, һәркемнең күзендә яшь җемелдәде.

Илфакны үз иткәннәр, якын күргәннәр җыелган иде анда. Кичә беткәч тә халык таралырга ашыкмый, гадәти булмаганча бик озак итеп кул чапты... Нәкъ Илфакча килеп чыккан, җылы, ихлас кичәдән халык теләр-теләмәс кенә, аның белән бәйле хатирәләрен барлап, салмак кына таралышты.

Кичәдән тулы репортаж белән бүген "Шәһри Казан" сайтында танышырга мөмкин.

Рамил Гали фотосы

Кызыклы яңалыкларны күзәтеп бару өчен безнең МАХ каналына кушылыгыз.