Кар да явачак

27 апрельгә кадәр республика төньяк циклон йогынтысы астында булачак. Бүген көндез һава температурасы +3, +8 градуска кадәр генә җылытачак. Вакыт-вакыт яңгыр, юеш кар һәм кар яву ихтималы да бар. 25 апрельдә дә шундый ук тотрыксыз һава торышы булуы көтелә. Төнлә белән термометрлар -1, -6 градусны күрсәтсә, көндезге якта температура +3, +8 градус булачак. 26 апрельдә дә шундый ук салкын һава торышы сакланачак, явым-төшемнәр дә фаразлана.