Кояш кыздыра!

Рәхәт урамда! Чып-чын җәй җитте диярсең: күк йөзе аяз, кояш кыздыра. Алдагы көннәрдә дә безне шундый эссе һава торышы көтә әле.
Бүген көндез температура 29 градуска кадәр җылытачак. Иртәгә исә, 14 май көнне кояш тагын да ныграк кыздырырга җыена. Төнлә белән термометрлар +13, +18 градусны күрсәтсә, көндез республика буенча +26, +31 градус булуы көтелә. Көндезге якта көнбатыш районнарда яңгыр яву ихтималы бар, дип хәбәр итә ТР Гидрометеорология һәм әйләнә-тирә мохит мониторингы идарәсе.