#Төп тема 25 февраль 2014, 07:27

Кышның китәсе килми

25 февраль 2014, 07:27

Кышның соңгы атнасы. Табигатьтә дә кыш белән язның тартышы бара кебек: урамда әле җылы һәм тамчылар тама, әле бөтен җирне туңдырып куя һәм янә салкын биттән чеметә башлый. Шул рәвешле, кышның китәсе килми, ә яз барыбызны да кояшлы һәм җылы һава торышы белән тизрәк сөендерергә ашыга.

Скопировать ссылку

Алдагы берничә көндә дә кыш белән яз тартышуы дәвам итәр, ахры. Синоптикларның фаразлары буенча, бүген көндез һава температурасы -3, -8 градус салкын булачак, көнчыгыш районнарда исә термометрлар -12 градусны күрсәтәчәк. Иртәгә, ягъни 26 февральдә төнлә белән һава температурасы -8, -13, ә аязган вакытта -17 градуска кадәр салкынайтса, көндез исә -1, -6 градус булуы көтелә. Юлларда бозлавык саклана, дип хәбәр итә ТР Гидрометеорология һәм әйләнә-тирә мохит мониторингы идарәсе.

Кызыклы яңалыкларны күзәтеп бару өчен безнең МАХ каналына кушылыгыз.

#250