#Төп тема 13 май 2018, 10:06

Ленин дамбасыннан шәһәр үзәгенә таба хәрәкәт ике көнгә туктатыла

13 май 2018, 10:06

12 майдан 14 майга кадәр Меңьеллык мәйданының һәм Ленин дамбасының бөр өлеше юл төзекләндерү эшләре белән бәйле рәвештә ябыла.

Скопировать ссылку

Ленин дамбасыннан шәһәр үзәгенә таба хәрәкәт ике көнгә туктатыла

Бу хакта Казан мэриясе порталы хәбәр итә. Казан автомобильчыларына урап узу маршрутын алдан уйлап куярга киңәш ителә.

Хәрәкәт чикләнү 12 май 4.00 сәгатьтән 14 май 5.00 сәгатькә кадәр дәвам итәчәк. Бу Чистай урамыннан Ташаяк урамына кадәрге юл өлешенең өске капламын сипләү эшләре белән бәйле.

Хәрәкәт тулысынча юлның бер ягында гына туктала – шәһәр үзәге юнәлешендә. Кире якка, ягъни Ташаяк урамыннан Чистай урамына кадәр Мәскәү районы ягына, автомобильчылар гадәти режимда хәрәкәт итә ала, дип хәбәр итә “Каздорстрой” ААҖ.

Кызыклы яңалыкларны күзәтеп бару өчен безнең МАХ каналына кушылыгыз.