Өлгерләргә – майлы кашык

Бакча эшләренә кереп чумганчы, йорт-җирләрне кышкы тузаннан арындыру мәшәкатьләренә тотынганчы, әле бераз вакыт бар. Гомумән, язның бу чоры үзгә ул: кыштан соң көннәр дә озын кебек, буш вакыт та барлыкка килгәндәй була. Башкарасы эшләрнең исемлеген булдырып, аннан соң, булдырдым, дип каршысына плюсиклар кую рәхәт бит, әйеме! Үз-үзеңә үк бәяң арта, кәефләр күтәрелеп китә. Иске бәяләрдән «Шәһри Казан» газетасына язылып кую да шул исемлектә дип уйлыйм. Әле бәяләрнең ничек буласын кем белгән?! Кызганыч ки, бу бездән тормый, бәяләрне почта билгели. Арта, артмый, дип баш ватып торганчы, алдан хәстәрен күрүгә ни җитә?!. Кирәкле вакытта, кирәкле урында булганнарга һәрвакыт майлы кашык эләгә бит, әйеме! Әйдәгез, андыйлар күбрәк булсын әле, 2014 елның икенче яртыеллыгы өчен «Шәһри Казан» газетасына язылырга ашыгыйк!