«Останкино» янган
Җәй - янгыннар вакыты. «Яңа Тура» сәүдә комплексында эшләүчеләр янгыннан соң янә төзекләндерелгән бинага кире кайтырга җыенып йөргән көннәрдә, «кызыл әтәч» Мәскәүнең «Останкино» телеүзәге бинасына да һөҗүм итте.
Җәй - янгыннар вакыты. «Яңа Тура» сәүдә комплексында эшләүчеләр янгыннан соң янә төзекләндерелгән бинага кире кайтырга җыенып йөргән көннәрдә, «кызыл әтәч» Мәскәүнең «Останкино» телеүзәге бинасына да һөҗүм итте.
Биш баллы шкала белән үлчәгәндә, дүртенче дәрәҗә катлаулылыктагы дип билгеләнгән янгын сишәмбе кичендә чыга һәм төнге унбердә сүндерелә. Ут чыкканда бинада 1200 кеше була. Янгын сүндерергә 35ләп янгын расчеты (техникасы), 127 янгын сүндерүче җәлеп ителә. Яну мәйданы турында башта төрле саннар китерелсә дә, соңыннан 200 квадрат метр дип тәгаенләнә. «Останкино»ның матбугат үзәге җитәкчесе Денис Назаров җиткерүенчә, янгын бинаның өченче катында, декорацияләр бүлмәсендә чыга, пластмасс эшләнмәләргә ут каба.
Ут чыгудан беркем дә зыян күрми. Кара төтен Беренче каналның ньюс-румы урнашкан түбә тирәсендә чыга башлаганлыктан, телеэфир берара туктатылып тора, әмма курыкканга куш күренә дигәндәй, соңрак барысы да тәртиптә булуы ачыклана. Ә бинаның икенче катында урнашкан «НТВ Плюс» телеканалларының берсендә «Зенит» командасы белән уен трансляциясен комментарияләүче Геннадий Орловны чыгаралар.
Кызыклы яңалыкларны күзәтеп бару өчен безнең МАХ каналына кушылыгыз.
Вход на сайт
Язмага реакция белдерегез
Мөһим
-
#Җәмгыять
Мәскәү базарында җәйнең иң мул чагы!
-
#Язмалар
«Бер әтидә мең шәхес»: Зиннур Хөснияр турында якыннары һәм танылган шәхесләр нәрсә сөйли?
-
#Кыскача яңалыклар
Татарстанда эт хуҗалары өчен яңа чикләүләр кертергә җыеналар: нәрсәләр үзгәрәчәк?
-
#Кыскача яңалыклар
Татарстанда иң зур яшьләр форумнарының берсе башлана: «Лига форум»га кемнәр килә?
-
#Кыскача яңалыклар
Табиблар могҗиза ясады: Казанда бер операция вакытында хатын-кыздан ике зур шешне алганнар
Комментарийлар