«Татспиртпром» ААҖдә яңа җитәкче

Бүген «Татспиртпром» ачык акционерлык җәмгыяете җитәкчесе итеп Ирек Миңнәхмәтов билгеләнде. Оешманың яңа җитәкчесен Татарстан Республикасы Премьер-министры, «Татспиртпром» ААҖ Директорлар Советы рәисе Илдар Халиков тәкъдим итте. Моңарчы Ирек Миңнәхмәтов Республика матбугат һәм массакүләм коммуникацияләр агентлыгын җитәкләгән иде.

Белешмә
Казан дәүләт финанс-икътисад институты (2003), В.И.Ульянов-Ленин исемендәге Казан дәүләт университетының юридик факультетын (2008) тәмамлаган. 2000-2010 елларда «Чынгызхан» ҖЧҖ генераль директоры. 2008-2010 елларда - Казан шәһәре Думасы депутаты. 2010-2012 елларда «Татспиртпром» ААҖе генераль директорының коммерция мәсьәләләре буенча урынбасары. 2012 елның августыннан октябренә кадәр - «Татмедиа» ААҖ генераль директоры. 2012 елның октябреннән Республика матбугат һәм массакүләм коммуникацияләр агентлыгын җитәкләде.