Владимир Путин Рөстәм Миңнехановны Александр Невский ордены белән бүләкләде

Татарстан Президенты Рөстәм Миңнеханов Александр Невский ордены белән бүләкләнде. Әлеге 1 мартта Владимир Путин тарафыннан имзаланган документ, хокукый мәгүлүматлар интернет-порталында бүген, 7 мартта дөнья күрде.

«Дәүләт алдындагы аеруча шәхси казанышлары һәм Россия Федерациясе халыкара абруен ныгытуга керткән өлеше өчен Миңнеханов Рөстәм Нургали улын - Татарстан Республикасы Президентын - Александр Невский ордены белән бүләкләргә», - дип билгеләп үтелгән документ текстында.