#Төрлесе 01 февраля 2025, 11:27 Уку өчен 2 минут

“7” саны тормышымны боза

01 февраля 2025, 11:27

Уку өчен 2 минут

Күпләр сәер дияр, ләкин мин 7 саныннан бик куркам. 20 яшьтә кияүгә чыктым, улыбыз туды.

Скопировать ссылку

Күпләр сәер дияр, ләкин мин 7 саныннан бик куркам. 20 яшьтә кияүгә чыктым, улыбыз туды.

Өйләнешүебезгә 7 ел була дигәндә, ирем хыянәт итә башлады. Аерылыштык. Башка берәү белән таныштым. Яхшы кеше кебек иде, ләкин 7 елдан соң аны алыштырып куйганнар кебек, эчә башлады. Исерек килеш юл һәлакәтенә очрады, аның аркасында кеше гомере өзелде. Без рәсми рәвештә өйләнешмәгән идек, шуңа күрә җиңел аерылыштык.

Бер-ике елдан тагын берсе белән таныштым. Монысы аеруча шәп, өйләнештек. 40 яшемдә икенче тапкыр әни булдым, кызыбыз туды. Тормышыбыз матур бара иде, әмма соңгы вакытта ирем миңа карата суынды. Быел кавышуыбызга 7 ел була. Тагын шушы сан тормышымны бозарга маташамы? Нишләп алай соң ул? Эчем поша, үземне кая куярга белмим...

Ләйлә М.

Фото: ru.freepik.com

Кызыклы яңалыкларны күзәтеп бару өчен Телеграм-каналга кушылыгыз.