Егетем байлыгыма кызыга?

Ул кечкенә генә фатирда яши. Заманча әйтсәк, студия. Шундый тар, урын бик әз. Әгәр өйләнешә калсак, икебезгә анда кысан булачак. 
Бервакыт сорау бирдем: “Без кайда яшәячәкбез соң? Монда бит хәтта бала да алып кайтып булмый”. Башта ык-мык килгән булды да, аннары: “Әтиеңнең берничә фатиры бар бит, безгә ярдәм итмәсме?” – диде. “Ә бәлки әниеңне монда күчерербез? Үзебез аның ике бүлмәле фатирында яшәрбез”, - дип планнар кора башлады бу.

Әти белән әни аерылышып аерым яшиләр. Әтинең кайда, ничә фатиры барлыгын, мәсәлән, мин бөтенләй белмим. Әни шәһәр үзәгендә фатирыннан моның шәһәр читендәге, төгәлрәге Лаештагы фатирына барып яшәсенме? Әгәр әти-әнием хәлле булмаса, ул минем белән йөрер идеме икән соң? Башымны әнә шундый сораулар биләп алды.

Гүзәл Л. 

Фото: ru.freepik.com/