«Ник көләсең?» - диләр.
Мин һаман да көләм…
Бу дөньяда кызык беткәнмени -
Юктан кызык табам да көләм.
Кайчагында ярлылыктан көләм,
Кайчагында барлыктан көләм,
Кайчагында, унҗидесе тулган
Кызлар кебек, ярыктан көләм.
Төштә үземне патша итеп күрәм,
Уянам да шуннан көләм;
Кайберәүләр өндә патша кебек -
Исем китеп, шулардан көләм.
Кайчагында,...
«Ник көләсең?» - диләр.
Мин һаман да көләм…
Бу дөньяда кызык беткәнмени -
Юктан кызык табам да көләм.
Кайчагында ярлылыктан көләм,
Кайчагында барлыктан көләм,
Кайчагында, унҗидесе тулган
Кызлар кебек, ярыктан көләм.
Төштә үземне патша итеп күрәм,
Уянам да шуннан көләм;
Кайберәүләр өндә патша кебек -
Исем китеп, шулардан көләм.
Кайчагында, сигареты беткәч,
Махра сорап төргәннән көләм;
Ярты эчкәч, берәр йөз граммлык
Акча сорап йөргәннән көләм.
Кайчагында юк кайгыны бар дип,
Елап йөргән дуслардан көләм;
Дусларымның һәрбер уңышына
Кара көйгән дошманнан көләм.
Бу дөньяның рәхимсезлегеннән -
Кышыннан һәм көзеннән көләм…
һич булмаса, менә шул турыда
Шигырь язган үземнән көләм.
Комментарийлар