Лилия Мәхмүтовадан тәмле салат рецептын сорап аптыраталар

Узган елны Лилия Мәхмүтова, тәмен татып караган кеше шушы салатның рецептын сорамый калмый, дип, аны безнең белән дә бүлешкән иде. Газета укучыларыбыз быел да шул салат рецептын сорап шалтыратты. Без аны кабат бастырабыз.

Салат өчен 2 кг помидор, 2кг кыяр, 7 болгар борычы, 3 баш сарымсак, 2 аш кашыгы тоз, 250 гр шикәр комы, 150 гр үсемлек мае, 80 гр аш серкәсе кирәк. Помидор, болгар борычы, сарымсакны турап, шуңа тоз, шикәр комы, үсемлек мае, аш серкәсе салып, 10 минут кайнатырга. Кыярны 1,5 см калынлыкта боҗралап турарга. Утка куйган яшелчәләр 10 минут кайнагач, кыярны салырга һәм 5 минуттан соң ук банкаларга тутырып куярга.