«Нигә мине бу дөньяга тудырдылар икән?», – дигән Валерий Шатнов «Шәһри Казан» ярдәмендә полислы булды

Июнь аенда аңа медицина тикшерүе узарга кирәк, әмма документларын урлаганнар иде. Сырхауханәдә полиссыз кабул итмиләр. Вакытында махсус комиссия тикшерүе узмаса, Валера группада булып саналмаячак, димәк, пенсиясез дә кала дигән сүз. Бу кешегә үзен солдат аналары комитеты рәисе дип йөрткән Галина Чумаченкова да нык ярдәм иткән, паспорт алырга булышкан. Полис алу мәсьәләсендә авырлык килеп чыккан: Валераның теркәлү урыны юк икән. Ярдәм сорап, Галина Чумаченкова редакциягә мөрәҗәгать иткән иде.

«Шәһри Казан» редакциясе, «Ак Барс-Мед» иминият компаниясе белән элемтәгә кереп, бу мәсьәләне тиз арада хәл итте. Тик Валерий Шатновны гына эзләп таба алмадык, кат-кат шалтыратсак та, телефонын алмады, ул «яшәгән» чүплеккә барып карасак та, аны очратмадык. Ниһаять, әлеге дә баягы Галина Чумаченкова Валерадан хәбәр китерде, «яшәү урынын» алыштырган икән. Валераның иминият полисын Галина ханым аша тапшырдык.