Радик Юльякшинны яман шештән коткару өчен акча җыялар?!

Җырчы Радик Юльякшинда яман шеш тапканнар икән дип ишеттек. Ул дәвалану өчен акча җыя башлаган диләр. Бу акчаларны кемгә тапшырырга?

Алия Вафина, Яшел Үзән

Радик Юльякшин, шул ук Элвин Грей бу хәбәрне ялган дип белдерә. Бу хакта ул инстаграм битендә дә аңлатып язды. Баксаң, Элвин Грей исеменнән кырыкалдарлар "Яндекс-Кошелек" аша акча сорап хәбәрләр җибәрә башлаган. Имеш, җырчы яман белән авырый һәм аны дәвалар өчен акча кирәк. "Мин сау-сәламәт, Аллага шөкер! Башкаларга да сәламәтлек телим. Берүк билгесез кешеләргә акчалар күчерә күрмәгез, ә инде алданган кызларга мошенниклар акчаларын кире кайтарсын иде. Мондый мөрәҗәгать нәтиҗәсез әлбәттә, шулай да намуслы булыгыз, Алла барысын да күрә, мондый әйберләр белән шаярырга ярамый",- ди Радик.