#Язмалар 03 февраль 2019, 09:30

«Алло, дуңгыз колак»

03 февраль 2019, 09:30

Лениногорск районының Кирлегәч авылында без яшь вакытта чыбыклы телефон Авыл советында гына бар иде. Телефон коммутаторы Кувак авылында иде.

Скопировать ссылку

Башта: «Алло, куак, куак», – дип, башыңны авырттырып бетерәсең. Аннан оператор «занято» дип җаваплый. Аннан соң тагын берничә тапкыр талпынып карыйсың: тагын нәтиҗәсез. Кайвакыт, ачу чыгып: «Алло, дуңгыз колак», – дип тә җибәрә идек. Ничек кирәк, шулай, кирәкле номерны әйтәсең. Юктан гына түгел бит инде ул. Бик кирәк булганга шалтырата идек, ләкин сөйләшеп булмагач, бик авыр була торган иде.
Ә хәзер нинди уңышка ирештек дип шөкер итәрлек. Элеккеге еллар белән чагыштырганда, җир белән күк арасы. Шуңа күрә булганның кадерен белергә кирәк.

Минзөфәр Бәдретдинов, Лениногорск районы, Кирлегәч авылы.

Фото: planetaskazok.ru

Кызыклы яңалыкларны күзәтеп бару өчен безнең МАХ каналына кушылыгыз.

#телефон