Җанисәп алучы, син кайда?

"Лаф орасыз җанисәп дип. Гаврилов урамына килүче юк, җанисәп бетә инде. Кая барасын да белмибез. Шул күз буяу гына булып чыга түгелме соң бу? Үзебез барыр идек, тик безгә чыгарга да ярамый бит әле. Бүтәннәр дә бармый инде, шул килеш кала. Депутатны сайларга булса, көн дә киләләр диярлек, хурлык...", дип язган иде Казанның Гаврилов урамында яшәүче укучыбыз.

“Миңа да килгән кеше юк. Мин Дәүләт хезмәте порталы аша үттем үтүен, тик җанисәп алучылар өйгә дә килеп расларга тиеш бит. Җанисәп алучы танышларым өйгә йөрүдән туктадык, эшләгән эшебезне тикшереп, хаталарны төзәтеп кенә утырабыз, диделәр. Менә шулай хәлләр...”
Бу уңайдан җанисәпне алып бару белән шөгыльләнүче ТР буенча дәүләт статистика хезмәтенә мөрәҗәгать иттек.

“Мондый хәл булуы ихтимал. Җанисәп алучы кеше өйдә булмаганда килгән булырга мөмкин. Сез 89172959478 номерлы ватсапка адресыгызны һәм телефон номерыгызны калдыра аласыз. Җанисәп алучы сезгә җайлы вакытта киләчәк”, - дип җавап бирделәр ведомствода.

Моннан тыш, җанисәп белән бәйле сораулар килеп туган очракта, медиаофиска мөрәҗәгать итәргә була. Аларның контактлары:

электрон почта — media@strana2020.ru
сайт: www.strana2020.ru
телефон: 8 (495) 933-31-94

Шулай ук кайнар линиягә дә шалтыратып, гозерегезне җиткерә аласыз. Россия буенча аның номеры 88007072020, Татарстан буенча 8(843)221-78-78.