Авыру бала - ирләр күтәрә алмаслык сынау...
Мәхәббәт җимешенең авыру сабый булып дөньяга килүе - гаилә өчен зур сынау. Ни кызганыч, кайбер ирләр бу сынауны күтәрә алмыйча, балалы хатынын ташлап өйдән чыгып китә...
Мәхәббәт җимешенең авыру сабый булып дөньяга килүе - гаилә өчен зур сынау. Ни кызганыч, кайбер ирләр бу сынауны күтәрә алмыйча, балалы хатынын ташлап өйдән чыгып китә...
Мондый очракта нишләргә? Бу хакта педагог-психолог Гөлүсә Низаметдинова белән сөйләштек.
“Соңгы елларда гаиләдә авыру бала туу очраклары бик ешайды. Бу - ир белән хатын өчен бик зур стресс һәм сынау. Алар арасыннан күренмәс җепләр белән салкынлык уза. Ир белән хатынның сабыр булып, бер-берсенә юл куя белүе мөһим. Әмма, кызганыч, кайбер ирләр авырлыкларга түзмичә өйдән чыгып китә.
Ана өчен бала, нинди булса да, ул - аның йөрәк җимеше. Ана кеше баласын төрле юллар белән аякка бастырырга тырыша, бар тормышын нарасыена багышлый.
Киңәшем шул: ир ташлап китте, дип төшенкелеккә бирелмәгез. Һәрчак позитив фикердә булырга тырышыгыз. Кешеләр белән аралашыгыз, паркларга чыгыгыз. Ходай кешегә күтәрә алмаслык сынаулар бирми, кара болыттан соң яктырып кояш чыга”, - диде Гөлүсә Малик кызы Низаметдинова.
Комментарийлар