Бер көн эчендә - алты мәет! Татарстан сулыкларындагы вәзгыять катлаулы

Россия Гадәттән тыш хәлләр министрлыгының Татарстан буенча баш идарәсе кичә көн дәвамында кайгылы сводка белән тулып торды. Республиканың төрле төбәкләрендә су астында бер-бер артлы кешеләр китә торды.

Фаҗигаләр Чаллыдагы Мәләкәс елгасында, Казанның иске Победилово янындагы Идел елгасында, Кукмара районының Туембаш авылындагы күлдә, Лениногорск районындагы буада, Васильево бистәсе янында Иделдә, шулай ук Казансу елгасында була. Кемдер исерек, кемдер аек, кемдер суга сикереп үлә, кемдер суга кереп китә дә, кире чыкмый... Шунысы да бар, фаҗига булган урыннарның барысында да Су керергә ярамый дигән язулар да була. Әмма Адәм баласы ул язуларга карап тормый шул. Суынып чыгасы килә аның...

Сулыкларда сак булсын иде, дуслар! Саклагыз үзегезне! Якыннарыгызны кара кайгыга салмасагыз иде.

Бу хакта тагын укырга: 

Сулыкларда сак булыгыз! Бер атнада 14 кеше батып үлгән!

14 корбан турында шимбә көнне хәбәр ителгән иде. Шимбә-якшәмбе нәтиҗәләрен дә кушсак, бер атна эчендә 20дән артык татарстанлы суга батып үлгән дигән сүз бу.