“Берләшмәсез яһүд булмый. Синнән башка берләшмә юк”, яки туган телнең әһәмияте нидә?

Туган телнең мөһимлеге нидә?
Мәдәни юнәлештә генә дә шундый 148 чара уздырырга планлаштырыла. Мәгариф өлкәсе дә читтә калмаячак. Мәгариф дигәннән, Халыкара туган телләр көне айлыгында республиканың Мәгариф һәм фән министрлыгы уздырган 360лап чарада 500 меңнән артык кеше катнашкан. Татарстан Мәгариф һәм фән министрлыгының милли мәгариф бүлеге җитәкчесе Энҗе Гыйззәтуллина аеруча да Чирмешән, Яшел Үзән, Әгерҗе, Азнакай, Нурлат районнарындагы тантаналы чараларны билгеләп үтте.

Сүз уңаеннан, быел ана телләр буенча фәнни олимпиадаларда катнашучылар саны арткан. Бу, беренче чиратта, бәйгеләрнең нигезләмәсенә үзгәрешләр кертү белән бәйле, ди Энҗе Гыйззәтуллина. Шулай ук укучылар тарафыннан кызыксыну үсү дә күзәтелә.
– Олимпиадаларның муниипаль өлештән йомгаклау этабына чыгучылар 40 процент булды. Алар арасында призерлар күплеге, аларның географик яктан караганда да төрле районнардан булуы сөендерде. Жюри да быел әзерләнү дәрәҗәсе күпкә югарырак иде дип бәяләде, – ди министрлык вәкиле.