Бистәләр үзебезнеке. Якын да, якты да булсын!

Илсур Метшин бистәләрнең күпчелеге шәһәргә әле берничә ел элек кенә, булган проблемалары һәм инфраструктура белән кушылганын искә төшерде. «Безнең Казан тирәсендә 97 торак массив бар, аларның күпчелек өлеше 2007 елдан кушылган иде, – диде ул. – Халык бистәләргә актив күченә, анда йортлар төзи, бу безне шатландыра. Кызганычка каршы, социаль һәм коммуналь инфраструктура бистәләр үсешен тәэмин итеп өлгерми. Яңа яктырткычлар, социаль инфраструктура объектлары һәм башка күрсәткечләр саны сөендерә, әмма тагын да күбрәк эшлисе килә».

Бистә инфраструктурасы белән проблемаларны хәл итү буенча зур өметләр ТР Президенты Рөстәм Миңнехановның ярдәме һәм Пространстволы үсеш институтын булдыру белән бәйле, дип билгеләп үтте И.Метшин. «Бүген безнең 2030 елга кадәр планнарыбыз бар, шул исәптән Казан агломерациясен үстерү буенча да. Шәһәр һәм безнең шәһәр яны, поселоклар арасындагы чик юылырга тиеш, – диде Мэр. – Моны профессиональ итеп эшләргә кирәк, шуңа күрә без безнең президент карарына һәм институт өлешенә өметләнәбез».

Юлларны Борисоглебское, Әмәт, Плодопитомник, Иске Горки, Борисково, Вознесение бистәләрендә һ.б. төзекләндерәчәкләр
Төп сорауларның берсе – урам-юл челтәрен яңарту. Авиатөзелеш һәм Яңа Савин районнары администрациясе башлыгы Тимур Алибаев сүзләренә караганда, 2012 елдан юлларны ремонтлауга 500 млн сумга якын акча җәлеп ителгән, 111 юл ремонтланган, аеруча җанлы җәяүлеләр маршрутлары буенча 20 тротуар салынган.

«Безнең районнарның поселок зонасында барлыгы 354 юл исәпләнә, шуларның 205-е каты өслекле, 149-ы әлегә асфальтсыз кала», – дип өстәде Т.Алибаев. Быел, аның сүзләренә караганда, ике урамда – Бестужев һәм Ключищенская урамнарындагы юл өслеген ремонтлау, шулай ук Борисоглебское бистәсендәге Шоссе урамындагы тротуарны яңарту планлаштырыла.

Киров һәм Мәскәү районнарында торак массивларына илтүче барлык юллар диярлек салынган яки яңартылган. «Өч ел эчендә 9 км озынлыктагы 17 урам ремонтланды, яктырту үткәрелде, шәһәр транспорты бар, – дип хәбәр итте район администрациясе башлыгы Сергей Миронов. – Искәрмә булып Займище тора, анда автобус йөрешен эшләтеп җибәрү өчен борылмалы боҗра һәм өлешчә тротуарлар кирәк».

Шул ук вакытта ремонтка элеккечә районнардагы бистә юлларының өчтән икесе мохтаҗ, дип өстәде С.Миронов. Быел, аның сүзләренчә, Краснооктябрьск бистәсендәге Югославская урамы, Аракчинода Вагонная урамы һәм Залесныйда Тан урамы төзекләндереләчәк.

Вахитов һәм Идел буе районнарында 2017 елдан «Поселокларда юлларны ремонтлау» программасы буенча 113 мең кв. метрдан артык юлны ремонтлау мөмкин булды. Район хакимияте башлыгы Марат Закиров сүзләренә караганда, быел Әмәт, Плодопитомник, Иске Горки, Борисково поселокларында 14 мең квадрат метрдан артык юлны ремонтлау планлаштырылган. «Шулай итеп, 5 ел йомгаклары буенча районнарның барлык поселок юлларының 13%-ы ремонтланачак», – диде М.Закиров.

Совет районында соңгы 6 елда 49 км дан аз гына артыграк озынлыктагы 85 юл ремонтланган. Быел алты торак массивта (Вознесенское, Троицкий урманы, Константиновка, Зур Дәрвишләр, Яңа Сосновка һәм Солтан Ай) 6 км озынлыктагы алты юлда эшләр планлаштырылган, дип хәбәр итте район хакимияте башлыгы Роман Фәтхетдинов.

Илсур Метшин ассызыклаганча, юлларны ремонтлау һаман да бистәләрдә беренче номерлы мәсьәлә булып кала: «Яңа Савин һәм Авиатөзелеш районнарын мисал өчен алырга: 9 ел эчендә юлларга 500 млн сумга якын акча җибәрелде. Күрше төбәкләрнең һәр шәһәре мондый масштаблар белән мактана алмый».

Казан бистәләрендә яктырак була бара
Казан бистәләрендә юлларны ремонтлау белән беррәттән яктырткычлар урнаштыру эше дә алып барыла. «Татарстан Республикасы торак пунктлары урамнарын яктыртуны торгызу» программасы буенча Авиатөзелеш һәм Яңа Савин районнарында 2014 елдан 123 урамда 1 мең 454 яктылык ноктасы барлыкка килде. Хәзер, Т.Алибаев сүзләренчә, бистә урамнары 94% яктырткычлар белән җиһазланган. Быел районнарда тагын биш урамда 38 яктырткыч урнаштыру планлаштырылган – шулай итеп, бистәләрдә урамнарны яктырту проблемасының кискенлеге тулысынча бетереләчәк.

Киров һәм Мәскәү районнарында өч ел эчендә 1140 яктырткыч урнаштырылган, С.Миронов сүзләренчә, куркынычсыз яктырту өчен тагын 600 яктырткыч урнаштыру кирәк.

Бу мәсьәлә Вахитов һәм Идел буе районнарында да хәл ителә: 5 ел элек торак массивларда урамнарның 60%-ы гына яктыртылган булса, хәзер бу сан 80%-ка якынлаша. Барлык автобус маршрутлары буенча юллар, социаль объектлар, балалар мәйданчыклары яктыртылды, дип хәбәр итте М.Закиров.

Совет районында быел 691 яктырткыч урнаштыру планлаштырылган – бу 15 км тирәсе урамны яктыртырга мөмкинлек бирәчәк. 5 ел эчендә республика программасы буенча 1900 яктырткыч куелган, 50 км юл яктыртылган. Р. Фәтхетдинов билгеләп үткәнчә, бүгенге көндә 6 меңнән артык яктырткыч кирәк.

Авиатөзелеш һәм Яңа Савин районнары бистәләрендә газ белән тәэмин итү проблемасы хәл ителде
Коммуналь инфраструктураны үстерү мәсьәләләре актуаль булып кала, аерым алганда, челтәрләр салу. Мәсәлән, Авиатөзелеш һәм Яңа Савин районнары поселокларында 21-нче урамда газүткәргеч төзү хисабына газ белән тәэмин итү проблемасы тулысынча хәл ителде. Шундый ук эш шәһәрнең барлык районнарында да алып барыла.

Шулай ук барлык район бистәләрендә социаль объектлар ачыла: балалар бакчалары, мәдәният йортлары, мәктәпләр һәм гомуми практика табиблары офислары. Әйтик, Совет районында мәдәни-ял учреждениеләре дүрт торак массивта бар, ә Вахитов һәм Идел буе районнарында авыл клубларына Мирный һәм Отар торак массивларында 2 меңнән артык кеше йөри.

Чыганак: kzn.ru