#Язмалар 31 март 2020, 18:02

"Дөнья йөзендә миндә генә бар андый исем — атказанмаган!"

31 март 2020, 18:02

Танылган җырчы Илсөя Бәдретдинова быелгы концерт программасына “Атказанмаган” дигән үзенчәлекле исем сайлаган иде. Бу уңайдан “Туган тел” телеканалының “Сер итеп” кенә тапшыруында бу уңайдан аңлатма биргән.

Скопировать ссылку

-Миңа шалтыраталар, алай мескенләнмә инде, вакыты җиткәч бирерләр, диләр. Кулымны күкрәгемә куеп әйтәм: бу мескенләнү түгел, бу — горурлану. Атказанмаган! Дөнья йөзендә миндә генә бар андый исем — атказанмаган! Халык бит аны чынлыкта менә иҗатларын күргәннәр дә (дәүләт бүләкләре алган артистлар дип аңларга кирәк — авт.) шуңа биргәннәр, дип уйлый, сорап йөргәннәрен белми. Үзеңнең атказанган җырчы икәнеңне дәлилләргә, исбатларга кирәк, диләр. Миңа серванттагы ниндидер грамотага караганда, тамашачы кыйммәтрәк. Әгәр дә коллегалар ала алган икән, мин алар өчен шат. Миңа кирәк түгел. Мин дөресен әйтәм: мин җырчы да түгел, мин әз генә җырчы, әз генә алып баручы. Иң мөһиме минем үземнең тамашачым бар, - ди Илсөя Бәдретдинова.

Кызыклы яңалыкларны күзәтеп бару өчен безнең МАХ каналына кушылыгыз.

#Илсөя Бәдретдинова