#Язмалар 21 март 2023, 13:54

Имтиханның бал(л)ы аерыламы?

21 март 2023, 13:54

БДИны югары балларга тапшыручылар, яки бөтенләй тапшыра алмаучылар арасында зур упкын барлыгын да беләбез. БДИ бер көнлек кенә имтихан бирү системасы түгел. Аның өчен еллар дәвамында әзерлекле булырга кирәк.

Скопировать ссылку

Быел да БДИның минималь баллары күрсәтелгән. Билгеле булганча, рус теле һәм әдәбияты буенча билгеләнгән чикне узмау урта гомуми белем турында аттестат алуга йогынты ясый.

БДИның минималь баллары түбәндәгечә билгеләнгән. Рус теле – 24 балл; профильле дәрәҗәдәге математика – 27 балл; физика, химия, биология – 36 балл; информатика һәм мәгълүмати-коммуникацион технологияләр (ИКТ) – 40 балл; әдәбият, тарих – 32 балл; география – 37 балл; җәмгыять белеме – 42 балл; чит телләр (инглиз, француз, немец, испан, кытай) – 22 балл.

Шулай итеп, аттестат алу өчен, чыгарылыш сыйныф укучысы рус теленнән БДИны 24 баллдан ким булмаган күләмдә, профильле математиканы 27 баллга яки база математикасын 3 билгесенә тапшырырга тиеш.

Әмма югары уку йортларына керү өчен кирәкле минималь баллар рус теле буенча аерыла. Анда 36 балл таләп ителә. Башка фәннәр буенча нәтиҗәләр аерылып тормый.

Шул ук вакытта ел саен югары уку йортларына керү өчен кирәкле БДИның югарырак минималь баллары билгеләнә. Рус теле, әдәбияты һәм география – 40; математика, физика, биология һәм химия – 39; тарих – 35; чит тел – 30; җәмгыять белеме – 45; информатика һәм мәгълүмати-коммуникацион технологияләр – 44. Чыгарылыш укучыларына югары уку йортларына керү өчен БДИның минималь балларын исәпкә алырга кирәк.

Кызыклы яңалыкларны күзәтеп бару өчен безнең МАХ каналына кушылыгыз.