#Язмалар 07 июнь 2019, 14:11

Казан аквапаркы ник ябылды?

07 июнь 2019, 14:11

Мәҗит Гафури урамындагы аквапарк май аеннан ачылды дип ишеттем. Телефоннарына шалтыратабыз – алучы юк. Җыенып килер идек тә, эшләмәсә, кире кайтырга ерак. Сез аквапарк турында бер язып чыккан идегез, эшлиме икән ул, ачыкларга ярдәм итсәгез иде. Сания Нуруллина, Азнакай.

Скопировать ссылку

Чынлап та Мәҗит Гафури урамындагы аквапарк 1 майдан эшли башлаган иде. Әмма 23 майдан тагын эшен туктатты. Күңел ачу үзәгендә янгын куркынычсызлыгы нормаларына туры килмәү сәбәпле ябарга куштылар дип аңлаталар. Татарстан буенча суд приставы матбугат хезмәте җитәкчесе Лилия Хәлимова аңлатуынча, Казан шәһәренең Вахитов районы суд приставлары Вахитов районы судының карары буенча Мәҗит Гафури урамында урнашкан «FUN 24» күңел ачу үзәгенең эшен туктаттылар. Янгын куркынычсызлыгы һәм шәһәрне төзекләндерү кагыйдәләре буенча кимчелекләр бетерелмичә, үзәк ачылмаячак.

Кызыклы яңалыкларны күзәтеп бару өчен безнең МАХ каналына кушылыгыз.