#Язмалар 06 декабрь 2017, 13:12

Хатынының хыянәт итүен белгән ир үзен ничек тотарга тиеш?

06 декабрь 2017, 13:12

Хатынының хыянәт итүен белгән ир үзен ничек тотарга тиеш? Илгиз, Казан.

Скопировать ссылку

Хатынының хыянәт итүен белгән ир үзен ничек тотарга тиеш? Илгиз, Казан.

Фаяз Төхбәтуллин, психолог:
– Гадәттә, хатын-кыз беркайчан да, бер-ике минутлык узгынчы хискә бирелеп, хыянәткә бармый. Ул башта иренә теге яки бу мәсьәләдә нәрсә ошамавын, мөнәсәбәтләрдә нәрсәнедер үзгәртергә кирәклеген әкрен генә әйтә килә. Ире озак вакыт хатынының үтенечләрен игътибарсыз калдырса, хатын-кыз ирен үзенә таяныч буларак күрми башлый. Ир белән хатынның уртак балалары яки милке булган очракта, хатын-кыз иреннән китәргә ашыкмый. Әгәр аның тормыш юлында игътибарлы, үз сүзендә торучы ир-ат очрый икән, хатын-кыз үзе дә сизмәстән күңеле белән әкрен генә аңа тартыла башлый һәм хыянәт итәргә дә мөмкин. Ир-ат хатынының хыянәте турында белеп ала икән, беренчедән, аны гаепләргә тиеш түгел, хыянәткә бару сәбәпләрен, үзенең гаебе нәрсәдә икәнен ачыкларга тырышсын. Хатынын бу юлга үзе этәргәнен аңларга тиеш. Шул вакытта ул үз өстенә җаваплылык алып, хатынына, гаиләсенә карата игътибарын арттырса, кайгыртучанлык күрсәтсә, гаиләдәге мөнәсәбәтләр уңай якка үзгәрәчәк.