Коронавирус буенча хәлләр мөшкел...

Йогышлы чирнең ачыклануы буенча, башкала язның иң югары күрсәткечләренә якынлаша.

Мәскәү мэры Сергей Собянин шәһәрдә коронавирус инфекциясе таралу белән бәйле вәзгыять көннән-көн катлаулана бара, дип белдерде.

"Коронавирус белән вәзгыять көннән-көн катлаулана бара. Без язның иң югары күрсәткечләренә якынлашабыз. Бүген хастаханәгә дәвалануга салынганнарның саны 1 меңнән артып китте. Үсеш дәвам итә", - дип язган Собянин үз блогында.

Мәскәү Россиядә ковид белән зарарланучылар саны буенча беренче урында тора, ачыкланган очраклар саны соңгы вакытта арта бара. Шәһәрдә барлыгы 311 559 йоктыру очрагы ачыкланган, шуларның 4 082се соңгы тәүлектә. 255 100 кеше савыккан, 5 401 кеше үлгән.

Фото: https://pixabay.com/ru/