Роспотребнадзорның ТР буенча идарәсе җитәкчесе Марина Патяшина Министрлар Кабинетында узган матбугат очрашуында республикада коронавирус буенча вазгыятьнең гади булмавын билгеләп, вирус беркая китми, безнең белән яшәячәк, шуңа да аңардан сакланырга өйрәнергә кирәк, дип белдерде.

Үзчикләнү режимы йомшартылса да, кибетләрдә, җәмәгать транспортында битлектән һәм перчаткадан йөрү, 65 яшьтән узганнарга аеруча сакланырга - өйдә калырга кирәклегенә кирәклегенә басым ясап, Патяшина коронавирусның һава юллары һәм пычрак куллар аша йогуын да искәртергә кирәк дип тапты. Ул шулай ук авыручыларның 60 процентында чирнең симптомсыз узуын да ассызыклап үтте.

Спикер үзенең чыгышында 12 майдан медицина оешмаларының эше ике юнәлеш буенча эшли башлаячагын, аерым алганда балаларны вакцинацияләү һәм халыкка хезмәт күрсәтү өлкәсендә эшләүчеләрне медицина тикшерүен үткәрү эше торгызылачагын хәбәр итте. Моның өчен алдан язылып кына барырга мөмкин булачак.

Стоматология клиникаларының кайчан эшли башлаячагы турындагы сорауга белгеч, алар әлегә ачылмый, бу мәсьәлә вазгыятькә карап өйрәнеләчәк, бәлки, бер атнадан, дип җавап бирде.

Тагын укырга: 

Татарстанда коронавирустан алтынчы кеше вафат булды (яңа статистика)

Рөстәм Миңнеханов: "Кабат катгый чикләнү чаралары кертелүен теләмәс идем"

12 майдан загста язылышырга рөхсәт ителә. Кунаклар гына уннан артмасын