Машина отучы ике гаилә: «Бу могҗизага тиң»

Машина отучы Наталью Роль: "Могҗизалар була икән!" 

"Бөтен гаилә белән сайлыйбыз" фотобәйгесендә катнашып Sollers ST8 машинасын отучы Наталью Рольга машина оту сөенечен кызы алган. 

"Туры эфирда машина уйнату барышын карамадым, кызым шалтыратып, әни, син автомобиль оттың дигәч тә, көлдем генә, шаярта әле, дидем. Минем беркайчан да нәрсә дә бу уйнатуда катнашканым юк. Анда гади кешенең кыйммәтле бүләкләр отасына бик үк ышанмый да идем. Ә могҗизалар була икән!" - дигән ул фотобәйге оештыручыларга һәм аларга зур рәхмәтен җиткергән.

Машина иясе Ольга Ульданова: "Без шок хәлендә, әле дә куллар калтырый"

Тагын бер Sollers ST8 машинасын откан Ольга Ульданова бу куанычка әле дә ышанып бетә алмый. "Машина оту турында дусларыбыз шалтыратты, хәтта башка шәһәрләрдә яшәүчеләре дә белеп алган. Без шок хәлендә, әле дә куллар калтырый. Мондый отышларга ышанмый да идек, шуңа булыр дип көтмәдек тә", - дигән ул оештыручыларга.