Менә ичмасам Кар бабай!

Эш процессын видеога да элгән. Беренче шарының диаметры – 6 метр, икенчесенеке – 5 метр, өченчесенеке – 4 метр. Иң зур Кар бабай өчен премия бирүләрен ишеткәннән соң, Гаяз, ашарга да керер­гә онытып, иртәнге биштән кичке уникегә кадәр урамда кар әвәләп йөргән.

Кар эзләп, күршеләренең дә өлешенә кергән әле ул, барысы 120 кубометр кар киткән. Кыш бабайны ясар өчен Казаннан 300 чак­рым ераклыктагы Кызыл бакча авылына махсус кайткан һәм 20 көн шунда булган. Конкурс кагый­дәләре буенча, Кар бабайны ясау өчен бернинди техника да кулланырга ярамый ди. Гаяз Кар бабае белән Россия Гиннесс рекордлар китабына керергә ниятли.