Министрлык киңәше: яшәү өчен мөһим булган дару бетсә нишләргә?

“Препаратаның сату өчен билгеләнгән исеме була. Организмга тәэсир итә торган әйберен карасак, аның 140-150 төре булырга мөмкин. Алар джене́рик дип атала һәм барлык исемнәрен хәтта фармацевтлар да хәтерләп бетермәве бар”, - диде Татарстан сәламәтлек саклау министры урынбасары Фәридә Яркәева.

Дженерикларны ачыклау өчен даруның тышлыгына карау да җитә. Тышлыкта, гадәттә, зур хәрефләр белән препаратның патентланган исеме язылган була. Шуның астында яисә савытның икенче ягында, ваграк хәреф белән дженерик языла. Әмма дженерикны аналог белән бутарга ярамый.

“Мисалга, аспирин һәм парацетамол бер төрле тәэсир итә торган дарулар. Алар бер үк төркемгә керәләр, әмма тәэсир итә торган матдәләре төрле. Шуңа да аларны дженерик диеп булмый, ә аналоглар дип атарга мөмкин. Шуңа да даруханәгә килгәч даруның аналогын түген, ә дженерик сорарга кирәк”, - дип аңлатты Фәридә Яркәева.