Мошенниклык турында 4 сорауга ҖАВАП

1. Бер танышым, кер юу машинасын сатарга теләп, интернетка белдерү куйган иде. Мошенниклар аның банк картасыннан акчасын суырып алган. Мондый очрактан ничек сакланырга?

Раил Куряков:

– Мошенниклар игъланга куелган машина, йорт җиһазы яки, бу очракта, кер юу машинасы белән бик кызыксынган булып кылана. Сатып алам, акча күчерү өчен банк картасының саннарын әйтегез, ди. Акча күчерү өчен банк картасының 16 санлы номерын әйтү дә җитә, башка бернинди мәгълүмат та бирмәгез. Банк картасының гамәлдәге срогын, смс-кодын бервакытта да әйтә күрмәгез. Бу очракта мошенникларга сезнең банк картасындагы акчаларны суыртып алу мөмкинлеге барлыкка килә.

2. Кара диңгез буендагы бер пансионатка ялган юлламалар сатылганлыгы турында сүзләр таралган иде. Әлеге хәбәр дөрес идеме соң?

Илнур Хаялиев:

– Кызганыч ки, бу хәбәр дөрес. Казанда да ун кеше ялган юллама сатып алган. Мошенниклар пансионатның ялган сайтын ясап эш йөрткән. Теге яки бу пансионатның, кунакханәнең, шифаханәнең интернет сайтын кат-кат карарга кирәк. Сайтта мәгълүм компанияләрнең, ягъни кунакханәләрнең исем-атамасына төрле «символлар» өстәлгән булса, ышанмагыз. Башка юллар белән белешегез, акча күчерергә ашыкмагыз. Пансионатның ялган сайтын ясаган мошенникларны эзләү дәвам итә. Акча күчергән кешеләр барыбер дә судка гариза язсын.

3. Танышым, машина оттым, дип шалтыратты. Соңрак, елап, тагын шалтыратты. Машина да юк, күчергән акчасы да юк...