Роспотребнадзор мәктәп линейкалары уздыруны рөхсәт итә

"Мәктәп линейкалары тантанасын үткәрүгә бернинди тыюлар юк. Ул гына да түгел, без хәтта аларны үткәрү ягында. Чөнки кечкенәләр өчен Белем көне - чын бәйрәм. Төбәктәге тотрыклы эпидемиологик вәзгыятьне исәпкә алып, бу вакыйганы үткәрми калдыру дөрес булмас иде ", - дип ассызыклады спикер.
Шуңа да карамастан, Л. Авдонина искәрткәнчә, 1 сентябрьдә барлык саклану чаралары да үтәлергә тиеш. Роспотребнадзорда әлеге тантаналы вакыйганы бөтен мәктәп укучылары өчен уртак түгел, ә параллель сыйныфларның һәр төркеме өчен аерым үткәрергә киңәш итәләр. Шул ук вакытта уку елының тантаналы рәвештә башланып китүе аеруча мөһим, истәлекле булган беренче, тугызынчы, унберенче сыйныф укучылары файдасына өстенлек бирергә кирәк.

"Әлбәттә, әгәр һава шартлары мөмкинлек бирсә, линейкаларны урамда үткәрергә киңәш итәбез, Әгәр әти-әниләр дә килә икән, алар саклану чараларында, битлекләрдә булырга тиеш. Аңлашыла, сыйныф, параллельләрне периметр буйлап бер ярым метрлы дистанцияне исәпкә алып урнаштырырга кирәк ", - дип йомгаклады республика Роспотребнадзор җитәкчесе урынбасары.

Шул ук вакытта Авдонина аңлатканча, линейкаларны үткәрү турындагы соңгы карар Татарстанның Мәгариф һәм фән министрлыгына бәйле булып калачак.