Сабада узган "Кабак бәйрәме"ннән ФОТОРЕПОРТАЖ

Бу ялларда Сабада матур бәйрәм - "Кабак бәйрәме" гөрләде. Бер генә яшелчәнең дә кабак кебек тантана иткәне, күзләрне камаштырырлык күргәзмәләр оештырганы юктыр.

- Ни генә юк иде биредә. Телеңне йотарлык бөккән, бәлешләреннән башлап, кабак сыгынтысына кадәр бар иде, - ди хезмәттәшебез Рәзинә Мәрданова. 

Халык әлеге бәйрәмгә төрле авыллардан җыела. Быел, көн суык булганлыктан, кеше азрак килгәч, күргәзмәдә катнашучылар бераз моңсуланып та алганнар иде. Ләкин шулай да сер бирмичә, килгән кунакларның күңелләрен күргәннәр.    

Фотолар: Рәзинә Мәрданова