#Язмалар 30 сентябрь 2018, 11:11

Татарстан EuroSkills һөнәри осталык чемпионатында җиңү яулап кайтты

30 сентябрь 2018, 11:11

Россия җыелмасы составындагы татарстанлылар “Мобиль робот техникасы” һәм "CAD инженер дизайны" компетенцияләре буенча алтын медаль алды.

Скопировать ссылку

Татарстан EuroSkills һөнәри осталык чемпионатында җиңү яулап кайтты

EuroSkills һөнәри осталык чемпионаты Венгриядә узды. Бу хакта World Skills Russiа сайтында хәбәр ителә, дип яза Татар-информ.

"CAD инженер дизайны" компетенциясендә беренче урынны Татарстаннан Альберт Минеев алды. “Мобиль робот техникасы”нда иң яхшылар булып Павел Фадеев һәм Андрей Дюбанов танылды.

Татарстан Президенты Рөстәм Миңнеханов үзенең Instagram аккаунтында Россия катнашучыларын җиңүләре белән котлады. Россия EuroSkills Budapest 2018 һөнәри осталык чемпионатында медаль биремендә тәүге тапкыр беренче урынны алды. Шулай ук Россия командасы катнашкан 29 ил арасында иң күп алтын медаль яулады.

Кызыклы яңалыкларны күзәтеп бару өчен Т елеграмга кушылыгыз.