Татарстанда коронавирустан үлүчеләр дә, яңа вирусны йоктыручылар да артты

ТР Сәламәтлек саклау министрлыгы хәбәр иткәнчә, үлүчеләрнең берсе - 1944 елда туган Казан кешесе республика йогышлы авырулар клиникасында, икенчесе - 1943 елда туган хатын-кыз Яшел Үзән Үзәк хастаханәсендә вафат була.

Ә ул арада республикада узган тәүлек нәтиҗәләре буенча коронавирус йоктыручылар саны тагын 27 кешегә артты. Өч кеше хастаханәгә озатылган. 

География:
1.    Казан – 17
2.    Чаллы – 2
3.    Югары Ослан – 1
4.    Түбән Кама – 1
5.    Нурлат – 2
6.    Питрәч – 1
7.    Саба – 2
8.    Тукай – 1

пандемия башланганнан бирле Татарстанда COVID-19 диагнозы 7364 кешедә теркәлгән.