Татарстанда урып-җыю эшләре башланганнан бирле 1,3 млн тонна ашлык суктырылган

Аның сүзләренчә, уртача уңыш бер гектарга 28,3 центнер тәшкил итә (чагыштыру өчен: 2022 елда бу сан 41,3 гектар булган). Җәббаров Аксубай, Зәй һәм Әлки районнарында шактый зур мәйданнар (50% тан артык) җыелганын төгәлләштерде. Бүгенге көндә Тәтеш (43,9 ц/га), Чүпрәле (38,3 ц/га) һәм Кайбыч (38,0 ц/га) районнарында уңыш югары, дип өстәде ул.

Министр 1 млн гектарга якын чәчүлекнең өлгерү стадиясендә булуын сөйләде. Хуҗалык җитәкчеләренә ашлык җыю комбайны паркын максималь файдаланырга киңәш ителә. Республика буенча бер комбайнга уртача йөкләнеш 490 гектар тәшкил итә. Әмма республикада әлеге күрсәткеч 1 комбайнга 833 гектарга җиткән берничә район бар.

350 мең тонна печән, 1 млн 800 мең тонна сенаж әзерләнгән, ягъни шартлыча 1 башка 13,6 центнер азык әзерләнгән. Берьеллык үләннәр 75% җыелган, күпьеллык үләннәрнең икенче каты 33% җыелган. 

Һава шартлары белән бәйле рәвештә, агымдагы елда азык әзерләү аның  күләменә һәм сыйфатына үз төзәтмәләрен кертте. Күпьеллык үләннәрнең уңышы түбән булуны исәпкә алып, әзерләнгән азыкның күләменә генә түгел, сыйфатына да аерым игътибар бирергә кирәк. Белгечләр районнарга чыкканда,    азык әзерләгәндә еш кына азык салу һәм саклау технологиясенең  бозылуын  күрәләр. 

Республика буенча бүгенге көндә 200дән артык ашлык ташучы авыл хуҗалыгы җитештерүчеләренә  хезмәт күрсәтә. Урып-җыю белән бер үк  всакытта    туфрак  туңга  сөрүне дә  башларга кирәк. Бүген җир  сөрүгә  338 агрегат җәлеп ителгән, 371 мең гектар мәйдан җыелган, шуларның 63,5 мең гектары эшкәртелгән. Урып-җыю эшләре вакытында хезмәтне саклауга һәм янгыннан  саклануга  аерым игътибар бирергә кирәк. Техника төзек хәлдә булырга һәм техник тикшерүне вакытында үтәргә тиеш.

2022 елда «Своё фермерство» маркетплейсында авыл хуҗалыгы хайваннары белән тәэмин итүчеләр саны 10 тапкырдан артып  киткән һәм бөтен Россия буенча шундый  800 оешма исәпләнә.
Маркетплейста тикшерелгән тәэмин итүчеләрдән хайваннарны сатып алу турында гына түгел, ә Дәүләт нәсел регистрына кергән нәсел репродукторлары турында  да тәкъдимнәр бирелә.   Бүгенге көндә «Своё фермерство»  маркетплейсында төрле хайваннар: эре мөгезле терлектән алып боланга кадәр, үрчетү буенча эшчәнлек алып баручы 400дән артык  оешма тәкъдим ителгән. Маркетплейста товар тәкъдимнәренең 20%тан артыгы нәсел репродукторларына туры килә.

 Авыл хуҗалыгы хайваннарын сатып алудан тыш, аграрийлар иярчен товарлар  категорияләрендә барлык үзләренең ихтыяҗларын да канәгатьләндерә алалар: мәсәлән, азык сайлап  алу, ветеринария табибын яки җайланмалар табу. Сервисларның цифрлы витринасында бизнесның нәтиҗәлелеген арттыру өчен агросервислар тәкъдим  ителгән һәм алардан  файдалану ысуллары күрсәтелгән.

Фото: https://agro.tatarstan.ru/