#Язмалар 11 март 2022, 09:28

Яулык япсам, якыннарым кабул итәрме?

11 март 2022, 09:28

Исем алыштыру, тормыш-яшәеш образын үзгәртү кебек күренешләр еш булмаса да, тормышта очрый. Бу очракта “ала карга булып күренмәс өчен ни эшләргә соң?” дигән сорау туа.

Скопировать ссылку

Бу хакта педагог-психолог Гөлүсә Низаметдинова белән сөйләштек.

"Беренчедән, “мин хәзер диндә” дип кычкырып йөрмәскә. Үзең яшәгән җәмгыятьтә тыелганнардан тыелып яшәвеңне гамәлләрең аша күрсәтергә. Кешеләргә акыл өйрәтмәскә. Икенчедән, исемеңне дин буенча алыштырасың икән, теләсәң, бу хакта якыннарыңа сөйләргә була. Теләмисең икән, үзең белсәң дә җиткән.

Дуслар, туганнар арасында төрлечә кабул итүчеләр була. Кемдер аңлый, кемдер бармак төртеп көлә. Беркем дә синең хис-кичерешләрең белән яшәми. Шунлыктан үзеңне табигый рәвештә тотарга, алга таба иң бәхетле кешеләрнең берсе булып яшәргә кирәк", - диде Гөлүсә Малик кызы Низаметдинова.

Фото: pixabay.com

Кызыклы яңалыкларны күзәтеп бару өчен безнең МАХ каналына кушылыгыз.