Яз җитә. Чикләүләр дә...

Чикләү язгы чорда юл катламы нигезенең начараюы һәм юлларның ныклыгы кимүгә бәйле рәвештә кертелә, дип хәбәр итә шәһәр мэриясенең рәсми порталы. Республика автомобиль юллары өчен рөхсәт ителгән йөк күләме – күчәргә 6 тонна.

Язгы чорда хәрәкәт чикләүләре кертелгән төбәк әһәмиятендәге автомобиль юллары исемлеге Татарстан Транспорт һәм юл хуҗалыгы министрлыгы сайтында урнаштырылган.

20 майдан 31 августка кадәр төбәк әһәмиятендәге барлык автомобиль юлларында, көндезге һава температурасы +32 градустан артып киткән очракта, авыр йөк ташучы транспорт чаралары өчен иртәнге сәгать 10нан кичке 10га кадәр вакытлыча хәрәкәт чикләнәчәк.

Хәрәкәтне вакытлыча чикләү пассажир автобусларына, азык-төлек продуктларын, хайваннарны, дару препаратларын, орлык фондын, ашламаларны йөртүгә, ягулык ташуга, табигый бәла-казалар һәм башка гадәттән тыш хәлләр нәтиҗәләрен бетерү өчен кирәкле йөкләрне йөртүгә кагылмый.

Шулай ук чикләү федераль башкарма хакимият органнарының чүп ташу машиналарына, транспорт чараларына кагылмый, алар хәрби хезмәт башкара, дип хәбәр итә Татарстан Транспорт һәм юл хуҗалыгы министрлыгы матбугат хезмәте.

Аерым очракларда авыр йөкле транспорт чаралары хәрәкәте «Юл хәрәкәте иминлеге» дәүләт бюджет учреждениесе тарафыннан бирелгән махсус рөхсәт булганда гына мөмкин. Аны Татарстан Дәүләт хезмәтләре сайты аша электрон рәвештә алырга мөмкин, дип яза kzn.ru