Афәрин, Чулпан!

Татарстанда туган танылган актриса һәм җәмәгать эшлеклесе Чулпан Хаматова Россиянең халык артисты исеменә лаек булган. Россия Президенты Владимир Путин Мәскәүдә Кремльнең Екатерина залында Россиянең танылган гражданнарына дәүләт бүләкләре тапшырды. Чулпан Хаматованы котлаганда ул: «Без барыбыз да Сезне искиткеч актриса буларак кына түгел, ә каты авырган балаларга йөрәк кушуы буенча бик күп еллар дәвамында ярдәм итүче кеше буларак та беләбез», - диде.