Андрей Кондратьев: “Татарстанда актив тавыш бирәләр”

Бу бик кызыклы сәяси көрәш булачак, дип белдерде Татарстанның Үзәк сайлау компаниясе рәисе Андрей Кондратьев матбугат очрашуында. 
Исегезгә төшерәбез: сайлаулар датасын Федерация Советы 7 декабрьдә раслады. Тавыш бирү көннәре – 15, 16 һәм 17 март. Сайлауларның өч көн дәвам итүен спикер зур сайлау компаниясе көтелгәнлеге белән аңлатты. 

–    Бөтенроссия җәмәгатьчелекнең фикерен өйрәнү үзәге мәгълүматларына караганда, респондентларның 74 проценты өч көн сайлауга уңай каравын белдергән. 15 проценты – тискәре. Үзәк сайлау комиссиясе рәисе буларак әйтәм, бу – җайлы һәм ул нигезле. Муниципаль компания яки Дәүләт Советының бер округына өстәмә сайлаулар булса, аны сузуның мәгънәсе юк, – диде спикер. 

Президент сайлауларында республикада 2727 сайлау участогы эшләячәк. Хастаханә, тикшерү изоляторында, хәрби частьләрдә һәм башка урыннарда вакытлыча 45 участок ачылыр дип көтелә.