#Җәмгыять 14 гыйнвар 2015, 10:32

Әби үлгәндә калды

14 гыйнвар 2015, 10:32

Яңа ел матур гына башланган иде болай үзе, ләкин тынычлыкны алачак вакыйгалар алда икәнен кем белгән.

Скопировать ссылку

Яңа ел матур гына башланган иде болай үзе, ләкин тынычлыкны алачак вакыйгалар алда икәнен кем белгән.

Хатынның әнисен берәр атнага кунакка дип, Казанга алып килдек. Баҗай белән балдызга да азрак ял тисен, янәсе. Әби 91 яшьтә, әмма, Аллага шөкер, келтер-келтер йөри әле. Авылда чакта кәефе дә әйбәт иде. Шәһәрдәге фатирыбызга кайтып җиткәч, сөмсере коелып төште моның.

- Нигә килдем инде мин монда?! Тәүге сүзе шул булды әбинең. Ял көннәрендә барыбыз да өйдә, өстәл тулы сый-нигъмәт, кадер-хөрмәт, дигәндәй. Юк, әби берәр көн көчкә түзде дә, «кайтасым килә» дип, күз яшьләрен үк агызырга кереште.