Боз кичүләре ябылды

Һава җылына башлау сәбәпле, елга өслекләрендәге боз катламы көпшәкләнде, яр буйларына су чыкты. Шунлыктан, Идел аша Яшел Үзән-Түбән Карамалы (Нижние Вязовые) һәм Аракчино-Югары Ослан боз кичүләре ябылды. Мамадыштагы Соколка-Новозакамский һәм Алабугадагы Покровское-Красный Ключ кичүләрендә дә Кама аша боз өстеннән хәрәкәт туктатылды. Республиканың Гадәттән тыш хәлләр министрлыгы боз өстенә керүнең үлем куркынычы белән янавын кисәтә. Боз кичүләреннән чыгу катгый тыела.