#Җәмгыять 11 гыйнвар 2016, 08:55

Быел социаль ипотека программасы буенча 184 йорт төзелә

11 гыйнвар 2016, 08:55

Социаль ипотека программасы буенча Казанда 20 мең кеше чиратта тора. Озак көткәннән соң, 2014 елның 22 апреленнән 12 ноябренә кадәр чиратта торучыларны гомуми исемлеккә кертә башладылар.

Скопировать ссылку

Быел социаль ипотека программасы буенча 184 йорт төзелә

Ягъни фатирга мохтаҗларга шәхси номерлар бирелә башлады. Шушы көннәрдә Татарстан Премьер министры Илдар Халиков үткәргән видеоконференция режимындагы киңәшмәдә 2016 елда социаль ипотека программасы буенча күпме торак төзеләчәген дә билгеләделәр.

Узган елда халыкны торак белән тәэмин итү 100 процентка үтәлгән. Татарстанстат мәгълүматлары буенча, 2 миллион 405,5 мең квадрат метр торак сафка баскан. Быел да былтыргыдан калышмаска исәп. Татарстанда 2016 елда 2 миллион 401 мең квадрат метр торакны куллануга тапшырырга уйлыйлар.

Шул исәптән 506,7 мең квадрат метр торакны социаль ипотека программасы буенча төзергә ниятлиләр. Бу барлыгы 184 торак йорт, 9 мең 51 фатир дигән сүз.

Арендалы торак программасы нигезендә исә, Дәүләт Торак фонды 36 йортны куллануга тапшырырга җыена.