Габдрахман Әпсәләмовның музее ачылды

Казанда Маяковский урамы, 23А/92 адресы буенча татар язучысы Габдрахман Әпсәләмовның беренче шәхси музей-фатиры ачылды.
Г.Әпсәләмов яшәгән фатирда язучының эш кабинеты сакланган, яңадан беренчел җиһазлар булдырылган. Әлегә язучының музей-фатиры ябык, ләкин www.absalyamova.ru виртуаль филиалы эшли. Язучы кабинетына алдан килешү буенча гына кереп була. Музейда тематик күчмә күргәзмәләр уздыру, беренче экспозицияне декабрьдә Саранскига алып бару планлаштырыла. Габдрахман Әпсәләмов музее өчен экспозиция документаль роман нигезендә булдырылган. Әлеге роман өстендә аның оныгы Альбина Әпсәләмова эшли. Татар әдәбияты классигының оныгы Тимур Әпсәләмов мәдәни учреждение директоры вазифасын үз өстенә алган, ә Тимурның әнисе Светлана Әпсәләмова музейга нигез салучы булган.