Казанда ярты ел эчендә машина йөртүчеләр 20 меңгә арткан
2023 елның беренче яртыеллыгында Россия Эчке эшләр министрлыгының Казан буенча идарәсе ЮХИДИ имтихан бүлегендә йөртү таныклыкларын бирү буенча 19 522 дәүләт хезмәте күрсәтелгән. Узган ел шул ук чорда әлеге күрсәткеч 29 286 булган – кимү хокукларның гамәлдә булу вакытын өч елга автомат рәвештә озайту белән бәйле. Бу хакта ТР буенча Россия Эчке эшләр министрлыгының ЮХИДИ идарәсендә хәбәр иттеләр.
2023 елның беренче яртыеллыгында Россия Эчке эшләр министрлыгының Казан буенча идарәсе ЮХИДИ имтихан бүлегендә йөртү таныклыкларын бирү буенча 19 522 дәүләт хезмәте күрсәтелгән. Узган ел шул ук чорда әлеге күрсәткеч 29 286 булган – кимү хокукларның гамәлдә булу вакытын өч елга автомат рәвештә озайту белән бәйле. Бу хакта ТР буенча Россия Эчке эшләр министрлыгының ЮХИДИ идарәсендә хәбәр иттеләр.
Җиңел автомобиль белән идарә итү хокукын беренче тапкыр 64 яшьлек шәһәр кешесе алган.
1278 уку төркеме теркәлгән, 17 575 кеше машина йөртү күнекмәләрен үзләштерергә карар иткән. Юл хәрәкәте кагыйдәләрен белү буенча имтиханны беренче тапкыр «В» категорияле автомобильләр белән идарә итү хокукына кандидатларның 64% ы тапшырган (узган ел бу күрсәткеч 52% тәшкил иткән), ә практик өлешен беренче омтылыштан ук укучыларның 23,3% ы башкарган (2022 елда 45% булган).
Россия Эчке эшләр министрлыгының шәһәр буенча Эчке эшләр идарәсе дәүләт автоинспекциясенең имтихан бүлеге җитәкчесе урынбасары полиция подполковнигы Лилия Әхмәтшина сөйләвенчә, «С» категорияле хокуклар алырга теләүчеләрнең 68% ы юл хәрәкәте кагыйдәләрен белү буенча имтихан тапшырган һәм 61% ы – гамәли өлешне. «D» категориясе буенча бу күрсәткечләр 70% һәм 79% тәшкил иткән.
Шулай ук төрле программалар буенча һөнәри әзерлек курсын үткән гариза бирүчеләргә 8 229 дәүләт хезмәте күрсәтелгән. Шуларның 7 108 е беренче тапкыр машина руле артына утырган.
«64 яшькә җиткән ир-ат юл хәрәкәтендә беренче тапкыр «җиңел транспорт чарасы йөртүчесе» категориясендә катнашкан. Казанның имтихан бүлегенә мөрәҗәгать иткән иң өлкән шофер 85 яшьлек гражданин булды», – дип хәбәр иттеләр ТР буенча Россия Эчке эшләр министрлыгының ЮХИДИ идарәсендә.
Комментарийлар