Казаннан аэропортка заманча электропоездлар йөри башлады

1 февральдән алып Казаннан аэропортка сигез шәһәр яны поезды йөри башлады. Юлда электричкалар Вахитов, Комбинат, Юбилей, Столбище станцияләрендә тукталыш ясыйлар.

Аэропортка барып җитү вакыты - 26 минут. Билет бәясе - 30 сум. Алда әйтеп үтелгән станцияләргә кадәр - 18 сум. Барлык поездларның да составларында алты вагон. Әлеге заманча электропоездлар йомшак урындыклар, автомат ишекләр, кондиционерлар һәм камералар белән тәэмин ителгән.

Инвалид пассажирлар өчен махсус бәдрәф бүлмәләре, киң тамбурлар каралган.

^{Фото www.tatar-inform.ru сайтыннан алынды}