Кем өчен ул кичүләр?

Казанның зур боҗра юлының «Казан-I» тимер юл вокзалыннан «Кояшлы шәһәр» микрорайонына кадәрге өлешендә генә дә җәяүлеләр өчен 17 урында җир асты һәм җир өсте кичүләре төзелде. Ләкин кайбер өлкәннәр һәм бала арбалы хатын-кызлар кичүләрдән файдалануны һаман да кирәк санамыйлар. Ямашев проспекты белән Короленко урамы киселешендәге җир асты кичүендә бу хәл еш күзәтелә. Әлбәттә, кичүдә төшүе-менүе авыррак, әмма машиналар арасыннан чыгу белә торып үлемгә баруга тиң.