Кияү алып килгән бәлешнең ничә катлы булуының үз хикмәте бар
Социаль челтәрләргә Пермь татарлары гына әзерли торган как бәлеш фотосын куйгач, ул бик күп кешедә соклану һәм кызыксыну уятты.
Социаль челтәрләргә Пермь татарлары гына әзерли торган как бәлеш фотосын куйгач, ул бик күп кешедә соклану һәм кызыксыну уятты.
Аны икенче төрле гөлбәдия дип тә атыйлар.
Безнең җирлек өчен ят булган бу бәлеш әзерли белүчене шул ук социаль челтәрдән без эзләп тә таптык.
Эльвира Мөхәммәдиева аны заказга пешерә булып чыкты. Тумышы белән ул Пермь өлкәсе Уин районының Югары Сен авылыннан. Бүген дә туган авылында яши.
– Мәктәпне тәмамлаганнан соң, хисапчыга укыдым да эшкә авылыма кайттым. Әлеге көнгә кадәр кибеттә сатучы булып эшлим, – дип таныштырды ул үзе белән.
Как бәлешне пешерергә карт әнисеннән, безнеңчә дәү әнисеннән өйрәнгән.
– Элек-электән туй табынына иң тәмле, иң кадерле ризык булып как бәлеш саналган. Хәзер дә шулай. Аның әзерләнүенә һәм табынга чыгарылуына зур әһәмият бирелгән. Бәлеш кимендә тугыз, иң күбе унҗиде катлы итеп ясала. Аны туйга кияү ягы да, кәләш ягы да алып килә. Кияү алып килгән бәлешнең ничә катлы булуының үз хикмәте бар. Ул ничә каттан торса, кияү кәләш йортында шуның кадәр кич куна булып чыга. Туйда как бәлешне кисүне дә нәселдәге иң мөхтәрәм һәм хөрмәтле кешегә тапшырганнар. Хәзер исә аны туйларга гына түгел, башка мәҗлесләргә дә әзерлиләр. Күчтәнәчкә Төркиягә, Казанга һәм башка бик күп шәһәрләргә алып китәләр. Рамазан аенда ифтарларга күп сорыйлар. Бүген Ижевскига биш бәлеш пешереп җибәрдем. Бу эштә ирем Эльмар белән кызларым Олеся һәм Эвелина да булыша, – ди Эльвира.
Как бәлеш рецепты
Эчлек өчен җиләк-җимеш алдан как итеп киптерелеп куела. Бәлеш әзерләр алдыннан аны суда тотып, иттарткычтан чыгаралар. Күбесенчә төрле җиләк, алма, ирга, күрәгә, кара җимеш, лимон, мәк, хәтта хәлвә белән арахис та кулланыла. Унҗиде кат итеп ясалганда, эчлеге кабатланырга да мөмкин. Камырына исә 3 йомырка, 300 грамм сыер мае, 2 кашык каймак, шикәр комы, тоз, сода, кирәгенчә он кирәк. Иң элек бәлешнең эчке катларын аерым пешереп аласың, аннан араларына эчлек сылап, катлап өясең дә соңыннан пешмәгән камыр белән каплап тагын газ миченә куясың.
Бәлешне пешерү өчен өч-дүрт сәгать вакыт кирәк.
Кызыклы яңалыкларны күзәтеп бару өчен безнең МАХ каналына кушылыгыз.
Вход на сайт
Язмага реакция белдерегез
Мөһим
-
#Сәясәт
Владимир Путин: “Илләр икътисади партнерлыкны киңәйтергә, үзара сәүдә һәм инвестицияләрне арттырырга килеште”
-
#Язмыш
Юл һәлакәте: “Сөяк кыйпылчыклары машина салонына чәчелгән”
-
#Төп тема
Казандагы саммит Россия–АСЕАН хезмәттәшлеген яңа баскычка күтәрде
-
#Кыскача яңалыклар
1 июльдән гаилә ипотекасы кагыйдәләре үзгәрәчәк
-
#Төрлесе
«Мин кеше үтермәдем, урлашмадым, әмма 20 ел төрмәдә утырдым»
Комментарийлар
0
0
Бик анлашылып бетми рецепт
0
0
0
0
Рецепт бик анлашылып бетми
0
0
0
0
Эченэ пешерелгэн камырны куе эчлек белэн катлап оясе аннан сон гына чи камыр белэн пирог ясарга пешерергэ
0
0
0
1
Э камыры хэрбер слойга жэелэме?
0
0
0
0
Катлы пирог инде бу
0
0