Мари илендә Вятка Аланы «Кояшы»

Йошкар-Олада узган «Халкым мирасы» дигән фестиваль-конкурста Киров өлкәсенең Вятка Аланы «Кояш» халык ансамбле өч төрдә чыгыш ясады. Алар беренче дәрәҗәдәге лауреат исеменә лаек булды. Коллективның «Аулак өй» композициясе һәркемнең күңеленә хуш килде. Алар нократ татарларының үзенчәлекле йолаларын күрсәттеләр. Икенче дәрәҗә диплом исә халык уен коралларында башкарган ирләр вокаль ансамбленә бирелде. Ансамбль җитәкчесе Рәйсә Мөхәммәтшинага оештыручылар исеменнән Рәхмәт хаты тапшырылды.